სპმთპ-ს პრეზიდენტის მიმართვა აღმასრულებელი საბჭოს წევრებს

სპმთპ-ის პრეზიდენტის ბრძანება #45 აღმასრულებელი საბჭოს მოწვევის შესახებ

სპმთპ-ის 2012 წლის 20  მაისის  #45  აღმასრულებელი საბჭოს

მოწვევის შესახებ

სპმთპ-ის წესდების  (რეგისტრირებულია საქართველოს იუსტიციის სამინისტროს 2006 წლის 18 იანვრის #542 გადაწყვეტილებით)  მე-7 მუხლის 7.7 პუნქტის, მე-6 მუხლის 6.1 პუნქტის ,,ე“ ქვეპუნქტის,  6.7 პუნქტის, 6.3 პუნქტის, 6.10 პუნქტის, 7.6 პუნქტის ,,მ“ ქვეპუნქტის, სპმთპ-ის აღმასრულებელი საბჭოს რეგლამენტის მე-2 მუხლის 2.1  და 2.4 პუნქტების საფუძველზე,

ვბრძანებ:

1.      2012 წლის 20 მაისს  მოწვეულ იქნას სპმთპ-ის #45  აღმასრულებელი საბჭოს სხდომა და ჩატარდეს  შემდეგი დღის წესრიგით გათვალისწინებულ საკითხებზე:

1.1   სპმთპ-ის აღმასრულებელი  საბჭოს სხდომის მდივნის არჩევა   (მომხსენებელი  - თამარ ავალიანი);

1.2   სპმთპ-ის ზოგიერთი საქალაქო/რაიონული ორგანიზაციის თავმჯდომარეთათვის  უფლებამოსილების შეწყვეტა (მომხსენებელი - თამარ ავალიანი);

1.3   ინფორმაცია 2010 წლის 1 ნოემბრიდან სპმთპ-ის მიერ საბიუჯეტო თანხების განკარგვის შესახებ  (მომხსენებელი - მაია კობახიძე);

1.4    სპმთპ-ის 2012 წლის  დროებითი ბიუჯეტის დამტკიცება (მომხსენებელი - ნათია კორძაძე);

1.5   ინფორმაცია სპმთპ-ში შექმნილი მდგომარეობის შესახებ  (მომხსენებელი - მაია კობახიძე);

1.6    სპმთპ-ის მიერ 2010 წელს დაბეჭდილი სახელმძღვანელოების მდგომარეობისა და მისი სამომავლო რეალიზაციის ღონისძიებათა შესახებ (მომხსენებელი - ნათია კორძაძე);

1.7   სპმთპ-ის დაქვემდებარებაში არსებულ ბაზებზე 2012 წლის საზაფხულო დასვენების ორგანიზებასთან დაკავშირებული ღონისძიებების შესახებ (მომხსენებელი - ვიქტორია ბალავაძე);  

ამერიკელ მასწავლებლებს ქ. თბილისის #32 და ქ. ბათუმის #5 საჯარო სკოლებმა უმასპინძლეს

ქართველმა პედაგოგებმა საერთაშორისო პროექტ „მოქალაქეთა ხმების“  ფარგლებში გაიარეს ტრენინგ - სემინარები, წარმატებით განახორციელეს პროექტი მოსწავლებთან ერთად და შეასრულეს პროექტის მოთხოვნები.

2012 წლის 26 მარტს, თბილისის #32 საჯარო სკოლის გეოგრაფიისა და სამოქალაქო განათლების პედაგოგმა ნანა ჯოჯიშვილმა  და 28 მარტს ბათუმის #5 საჯარო სკოლის პედაგოგმა ია კობალაძემ საქართველოში სამოქალაქო განათლების სწავლების მეთოდოლოგიის და პრაქტიკის წარმოსაჩენად მოამზადეს გაკვეთილები ამერიკული დელეგაციისაათვის.   მომზადებული გაკვეთილების ჩასატარებლად, გამოყენებული იყო  საერთაშორისო პროექტის ,,მოქალქეთა ხმები“ ტრენინგებზე შესწავლილი მეთოდოლოგია ინფორმაციის მოძიებისა  და მისი შედარებითი ანალიზის შესახებ.

ქ. თბილისის #32 საჯარო სკოლაში გამართულ გაკვეთილს ესწრებოდნენ: ამერიკული მხარე, აშშ-ს ,,სოლიდარობის”  ქართული პროგრამების დირექტორი, ბ-ნი რობერტ ფილდინგი, საქართველოს პედაგოგთა და მეცნიერთა თავისუფალი პროფკავშირის პრეზიდენტი ქ-ნი მაია კობახიძე, საქართველოს განათლებისა და მეცნიერების სამინისტროს ნაძალადევის რაიონის საგანმანათლებლო რესურს-ცენტრის უფროსი ქ-ნი რუსუდან ჩხეტია და #32 საჯარო სკოლის დირექტორი ქ-ნი ნანა ქაჯაია.

„მოქალაქეთა ხმების“ დასკვნითი კონფერენცია გაცვლითი პროგრამის ფარგლებში

2012 წლის 31 მარტს, ამერიკელი მასწავლებლების გაცვლითი პროგრამის ფარგლებში, სასტუმრო-კომპლექს  „დე პლაზაში“  მოქალაქეთა ხმების დასკვნითი კონფერენცია გაიმართა.

კონფერენციას ესწრებოდნენ პროექტ „მოქალაქეთა ხმებით“ გადამზადებული წარმატებული პედაგოგები ქ. თბილისისა და საქართველოს სხვადასხვა რეგიონების საჯარო სკოლებიდან. ქართველ მასწავლებლებს საშუალება მიეცათ კიდევ ერთხელ  გაეზიარებინათ ამერიკელი მასწავლებლების გამოცდილებები, გაცნობოდნენ პროექტის მიერ მომზადებულ კლასგარეშე მასალებს: ხმებს მშვიდობისათვის და დემოკრატიული პრინციპების ანალიზის აუდიო ვერსიას.

 საერთაშორისო პარტნიორებმა მოწვეულ მასწავლებლებს და დამსწრე საზოგადოებას გააცნეს პროექტის შედეგები, მიღწევები, მიმოიხილეს პროექტის საერთაშორისო პერსპექტივები.  დისკუსიები საინტერესო და სასიამოვნო გარემოში მიმდინარეობდა.

საქართველოს პედაგოგთა და მეცნიერთა თავისუფალი პროფკავშირი ულოცავს სრულიად საქართველოს მასწავლებლებს მასწავლებელთა საერთაშორისო დღეს

შრომის დღე საქართველოს პროფესიული კავშირების გაერთიანებასთან ერთად

• ტრენინგები საქართველოს სხვადასხვა რეგიონში
• სამოქალაქო განათლების პროექტის "მოქალაქეთა ხმების" ფარგლებში ამერიკელი სტუმრების ვიზიტი საქრთველოში
• სპმთპ-ის დელეგაცია აზერბაიჯანში
• პროფკავშირის საწევროების გადახდის კანონიერება სასამართლომაც დაადასტურა
• სპმთპ-ის წყალტუბოს რაიონული ორგანიზაციის საანგარიშო-საარჩევნო კონფერენცია
• ტრენინგები ლაგოდეხში
• პედაგოგები "ეტალონში"
• სპმთპ-ის პრეზიდენტი განათლებისა და მეცნიერების სამინისტროს ეთიკის კომისიაში მონაწილეობაზე უარს ამბობს

არქივი

სპმთპ-ი სოლიდარობას უცხადებს ბრიტანელ მშვიდობიან დემონსტრანტებს

საქართველოს პედაგოგთა და მეცნიერთა თავისუფალი პროფკავშირი უერთდება ევროპის პროფკავშირების გაერთიანების განათლების კომიტეტის დამოკიდებულებას დიდ ბრიტანეთში მიმდინარე უდიდეს გაფიცვასთან დაკავშირებით, მხარდაჭერას უცხადებს მშვიდობიან დემონსტრანტებს და იმედს გამოთქვამს, რომ მათ წინააღმდეგობას წარმატებული დასასრული ექნება.

30  ნოემბერს გაერთიანებული სამეფოს მასწავლებლებმა და საჯარო სექტორში დასაქმებულმა 2000000 -მდე ადამიანმა ეროვნული საპროტესტო მსვლელობა დაუპირისპირა ხელისუფლების გეგმას, რომელიც პენსიების 25%-ით შემცირებას  და  ახალი, სრულიად გაურკვეველი გადასახადების შემოღებას ითვალისწინებს.

გაფიცვაში  უდიდესი წარმომადგენლობით იყო ჩართული განათლების პროფკავშირები, რომლებიც წარმოადგენენ  განათლების ინტერნაციონალის წევრ ორგანიზაციებს ბრიტანეთიდან.  კერძოდ, ესენი არიან:           NUთ (გაერთიანებული სამეფოს მასწავლებელთა ნაციონალური ასოციაცია) , NAშUჭთ ( გაერთიანებული სამეფოს   სკოლების ქალ მასწავლებელთა ნაციონალური ასოციაცია) , UჩU (გაერთიანებული სამეფოს უნივერსიტეტებისა და კოლეგების გაერთიანება) , AთL(გაერთიანებული სამეფოს მასწავლებელთა და ლექტორთა ნაციონალური ასოციაცია) .

ეს გახლდათ უდიდესი გაფიცვა, რაც კი უკანასკნელი 30 წლის განმავლობაში  მომხდარა გაერთიანებულ სამეფოში . ბოლოს ასეთი გაფიცვა ბრიტანეთში პროფკავშირებმა 1970 წელს მოაწყვეს სახელწოდებით - ”უკმაყოფილების ზამთარი”,  რის გამოც ეს ქვეყანა რამდენიმე თვით მოექცა საერთაშორისო ნეგატიური ყურადღების ცენტრში.

სპმთპ-ის მხარდასაჭერად ევროპის პროფკავშირების განათლების კომიტეტის ევროპული დირექტორი საქართველოს ეწვია

 2011 წლის 21- 24 ოქტომბერს საქართველოში საგანგებო ვიზიტით იმყოფებოდა ევროპის პროფკავშირების განათლების კომიტეტის ევროპული დირექტორი მარტინ რომერი.

ბატონი რომერის ვიზიტის მიზანი იყო სპმთპ-ის პრეზიდენტის გეგმებისა და სტრატეგიის მხარდაჭერა და მიმდინარე პროცესების უშუალოდ  ადგილზე  გაცნობა.

ბატონმა რომერმა შეხვდერა გამართა როგორც სპმთპ-ის აღმასრულებელი საბჭოს წევრებთან, ასევე - სპმთ-ის აპარატთან, რომელიც უშუალოდ მუშაობს ორგანიზაციის გაძლიერებაზე. მან მოიწონა სპმთპ-ის  სტრატეგიული გეგმა და მიმდინარე სამუშაო პროცესი, რომელიც ითვალისწინებს  წევრებთან პირისპირ შეხვედრებს და საწევროების მოკრების ალტერნატიულ გზაზე გადასვლას.

• „პროფკავშირის არსებობა აუცილებელია თუნდაც იმიტომ, რომ ჩვენ არ შეგვიძლია, ბოლომდე ვენდოთ ხელისუფლებას!“
• 2010 წლის 22ივნისს საქართველოს პედაგოგთა და მეცნიერთა თვისუფალი პროფკავშირის წინაღმდეგ განხორციელებული კამპანიების მხარდასაჭერად საქართველოს სტუმრობდა განათლების ინტერნაციონალის საერთაშორისო დელეგაცია
• „განათლების ინტერნაციონალი“ კვლავ მიმართავს შრომის საერთაშორისო ორგანიზაციას