მიმდინარე წლის 8 აპრილს სპმთპ-ის ორგანიზებითა და ფინანსური მხარდაჭერით, საქართველოს საგანმანათლებლო დაწესებულებებში დასაქმებულთა პროფესიული განვითარების ცენტრმა საბურთალოს რაიონის ბაგა-ბაღების აღმზრდელთათვის მორიგი ტრენინგი ჩაატარა. კარიერული ზრდის, თეორიული და პრაქტიკული გამოცდილების შესაძენად ჩატარებული სემინარის თემა გახლდათ „სკოლამდელი ასაკის ბავშვთა ინკლუზია“ - ტრენერი ანსატასია ამისულაშვილი. გადამზადებაში 60-მდე აღმზრდელ-პედაგოგმა მიიღო მონაწილეობა. ტრენინგი თბილისის N158-ე ბაგა-ბაღში ჩატარდა.