პროფესიული დღესასწაული საზეიმოდ აღნიშნა საქართველოს პედაგოგთა და მეცნიერთა თავისუფალი პროფკავშირის რუსთავის საქალაქო ორგანიზაციამაც. სახელმწიფო თეატრში გოდერძი ჩოხელის ნაწარმოების „ ადამიანთა სევდა“ მიხედვით დადგმული სპექტაკლის პრემიერა შედგა, რომლის რეჟისორიც თამარ ხიზანაშვილია. შეკრებილ პედაგოგებს სიტყვით მიმართეს სპმთპ-ს ვიცე პრეზიდენტებმა. ღონისძიებას რუსთავის რესურს ცენტრის ხელმძღვანელი თამარ ხეჩიკაშვილიც ესწრებოდა. ამ დღის აღსანიშნავად პროფკაშირის საქალაქო ორგანიზაციამ სიმბოლური საჩუქრები გადასცა ღვაწლმოსილ პედაგოგებსა და პროფკავშირულ ლიდერებს.