მასწავლებელთა პრაქტიკული შეფასების ინსტრუმენტებთან დაკავშირებით – პორტფოლიოს წარდგენის ვადა გახანგრძლივდა პირველ ივნისამდე, ამასთანავე, გარკვეულწილად, გამარტივდა პორტფოლიოს ატვირთვისა და წარდგენის პროცესი
არაქართულენოვანი სექტორის მასწავლებლები პრაქტიკოსის სტატუსს 2025-2026 სასწავლო წლის ბოლომდე შეინარჩუნებენ და მათ კიდევ რამდენჯერმე მიეცემათ კომპეტენციის დადასტურების შესაძლებლობა. სამინისტრო არაქართულენოვანი სექტორის მასწავლებლებს დაჰპირდა, რომ მოსამზადებელ კურსებს შესთავაზებს, როგორც საგნობრივი ცოდნის გაღრმავების, ასევე ქართული ენის ფლობის დონის ამაღლების მიმართულებით.
განათლებისა და მეცნიერების მინისტრის ინიციატივით, 27 ოქტომბერი – იაკობ გოგებაშვილის დაბადების დღე – მასწავლებლის ეროვნულ დღედ გამოცხადდა და საზოგადოებისა და განათლების სისტემის განვითარებაში შეტანილი განსაკუთრებული წვლილისთვის, ღვაწლმოსილ 11 პედაგოგს გადაეცა სპეციალურად შექმნილი სამკერდე ნიშანი და ფულადი ჯილდო 10 000 ლარის ოდენობით.
მასწავლებლებისთვის ახალი სახელფასო ფორმულ ამოქმედდება 2024 წლის 1 ივლისიდან და მასწავლებელთა ხელფასების უპრეცედენტო ზრდა განხორციელდება:
400 ლარზე მეტით გაეზრდება ხელფასი 8217 მასწავლებელს; 500 ლარზე მეტით – 14053 მასწავლებელს; 600 ლარზე მეტით – 7114 მასწავლებელს; 700 ლარზე მეტით – 4491 მასწავლებელს; 800 ლარზე მეტით – 1648 მასწავლებელს; 900 ლარზე მეტით – 917 მასწავლებელს.სკოლის ადმინისტრაციული პერსონალის ანაზღაურება 10%-ით გაიზრდება, ხოლო ტექნიკური პერსონალის – 10-50%-ით, მათი ანაზღაურების მიხედვით.
არსებული წამყვანი და მენტორი მასწავლებლები ინარჩუნებენ სტატუსს და მიიღებენ ფუნქციის შესაბამის ფიქსირებულ დანამატს, რომელიც არ იქნება მიბმული საათობრივ დატვირთვაზე.
დარჩენილ სკოლებში (დაახლოებით 1000 სკოლაში), სადაც დირექტორები ვერ შეირჩა, ახალი კონკურსი ჩატარდება, რომლის ფარგლებშიც, ყველა კანდიდატს მიეცემა მონაწილეობის შესაძლებლობა, როგორც სერტიფიცირების მოპოვების მსურველებს, ასევე არსებულ სერტიფიცირების კანდიდატებს.
მინისტრმა, ასევე დროებით, შეაჩერა წამყვანი და მენტორი მასწავლებლობის მსურველთა პროფესიული გამოცდა და დააანონსა, რომ გამოცდა არ გაუქმებულა და ის 2024 წელს ჩატარდება და სხვა იხილეთ სტატიაში