მიმდინარე წლის 17 და 18 დეკემბერს სპმთპ-ის დიდუბე-ჩუღურეთის რაიონის ორგანიზებით ბაგა-ბაღების აღმზრდელთათვის ორდღიანი ტრენინგი ჩატარდა. კარიერული ზრდის, თეორიული და პრაქტიკული გამოცდილების შესაძენად ჩატარებული სემინარი სამ მიმართულებას მოიცავდა: სამართალი (ბავშვთა უფლებების კონვენცია) - ტრენერი მაია ლიპარტელიანი; სკოლამდელი ასაკის ბავშვთა ინკლუზია - ტრენერი ანასტასია ამისულაშვილი და ფსიქოლოგია - ტრენერი თინათინ სიდონიშვილი;გადამზადებაში რაიონის რვა ბაგა-ბაღის ( N6; N11; N40; N64; N94; N95; N125; N132;) აღმზრდელ-პედაგოგებმა მიიღეს მონაწილეობა. ტრენინგი საქართველოს გაერთიანებული პროფესიული კავშირების ხელშეწყობითა და დაფინანსებით ჩატარდა, რისთვისაც საქართველოს პედაგოგთა და მეცნიერთა თავისუფალი პროფკავშირის სახელით გულისხმიერ მადლობას ვუცხადებთ მათ.