საქართველოს პედაგოგთა და მეცნიერთა თავისუფალი პროფკავშირი წევრი პედაგოგებისათვის კვალიფიკაციის ამაღლების მიზნით ტრენინგების ჩატარებას აქტიურად აგრძელებს. მ. წ. 18 და 19 ივნისს სპმთპ-ის თელავის რაიონულმა ორგანიზაციამ ააიპ „საქართველოს საგანმანათლებლო დაწესებულებებში დასაქმებულთა პროფესიული განვითარების ცენტრის“ მიერ შექმნილი სატრენინგო მოდულით ჩაატარა ტრენინგი შემდეგ საგნებში: ქართული (I-VI) და მათემატიკა (I-VI). ტრენინგს 42-მდე პროფ.წევრი დაესწრო. თელავის რაიონული ორგანიზაცია მადლობას უხდის ტრენერებს, მაია ბოჭორიშვილსა (მათემატიკა) და ხათუნა კობიაშვილს (ქართული) მაღალკვალიფიციური ტრენინგების ჩატარებისათვის.