სპმთპ სოფ. მუხაესტატეს საჯარო სკოლას ესტუმრა
საქართველოს პედაგოგთა და მეცნიერთა თავისუფალი პროფკავშირის ქობულეთის რაიონული ორგანიზაციის თავმჯდომარე და ამავე ორგანიზაციის წარმომადგენლები მ. წ. 13 ივნისს სოფელ მუხაესტატეს საჯარო სკოლას ესტუმრნენ და პროფკავშირის საქმიანობაში აქტიური მონაწილეობისა და განსაკუთრებული დამსახურებისათვის საპატიო სიგელით დააჯილდოვეს პირველადი პროფკავშირული ორგანიზაციის თავმჯდომარე, ქალბატონი ლია გიორგაძე. ქობულეთის რაიონული ორგანიზაციის თავმჯდომარემ ბატონმა გელა ლაზიშვილმა რაიონული ორგანიზაციის სამომავლო ხედვებსა და გეგმებზე ისაუბრა. შეხვედრამ თბილ და სასიამოვნო გარემოში ჩაიარა.