სპმთპ-ის თელავის რაიონული ორგანიზაციის თავმჯდომარემ ირმა ჯაშიაშვილმა ქ. თელავის 2 საჯარო სკოლას სპმთპ-ის სახელით მადლობის სიგელი გადასცა.მ. წ. 30 მაისს საქართველოს ეროვნულ ბიბლიოთეკაში გამართული კონკურსის ,,ვკითხულობთ რუსთაველს" დასკვნით ტურზე, ქ. თელავის N2 საჯარო სკოლის ქართული ენისა და ლიტერატურის მასწავლებლის მანანა ბერიშვილის მოსწავლეებმა თამარ მესხიშვილმა და ნინო ვართანაშვილმა გაიმარჯვეს ნომინაციაში თავისუფალი თემა - „ქართული საჭურჭლენი, ფულის ერთეულები გუშინ და დღეს “.
სპმთპ-ის თელავის რაიონული ორგანიზაციის თავმჯდომარემ გამარჯვებულ მოსწავლეებს დიპლომები, ხოლო ქ. თელავის N2 საჯარო სკოლას პროექტში ,,ვკითხულობთ რუსთაველს“ აქტიური მონაწილეობისთვის მადლობის სიგელი გადასცა.
საქართველოს პედაგოგთა და მეცნიერთა თავისუფალი პროფკავშირი განსაკუთრებულ მადლობას უხდის ქალბატონ მანანა ბერიშვილს მომავალი თაობის სულიერ აღზრდასა და სააღმზრდელო–საგანმანათლებლო საქმიანობაში გაწეული მუშაობისათვის.